3a fikra

Good Inspiration for 2012 -The Great Dictator Speech-

2012-01-01T17:26:00.000+02:00

The Great Dictator

A wonderful video by Charlie Chaplin

Just listen, read, & think!

Hope… I’m sorry but I don’t want to be an Emperor – that’s not my business – I don’t want to rule or conquer anyone. I should like to help everyone if possible, Jew, gentile, black man, white. We all want to help one another, human beings are like that.

We all want to live by each other’s happiness, not by each other’s misery. We don’t want to hate and despise one another. In this world there is room for everyone and the earth is rich and can provide for everyone.

The way of life can be free and beautiful.

But we have lost the way.

Greed has poisoned men’s souls – has barricaded the world with hate; has goose-stepped us into misery and bloodshed.

We have developed speed but we have shut ourselves in: machinery that gives abundance has left us in want. Our knowledge has made us cynical, our cleverness hard and unkind. We think too much and feel too little: More than machinery we need humanity; More than cleverness we need kindness and gentleness. Without these qualities, life will be violent and all will be lost.

The aeroplane and the radio have brought us closer together. The very nature of these inventions cries out for the goodness in men, cries out for universal brotherhood for the unity of us all. Even now my voice is reaching millions throughout the world, millions of despairing men, women and little children, victims of a system that makes men torture and imprison innocent people. To those who can hear me I say “Do not despair”.

The misery that is now upon us is but the passing of greed, the bitterness of men who fear the way of human progress: the hate of men will pass and dictators die and the power they took from the people, will return to the people and so long as men die [now] liberty will never perish…

Soldiers – don’t give yourselves to brutes, men who despise you and enslave you – who regiment your lives, tell you what to do, what to think and what to feel, who drill you, diet you, treat you as cattle, as cannon fodder.

Don’t give yourselves to these unnatural men, machine men, with machine minds and machine hearts. You are not machines. You are not cattle. You are men. You have the love of humanity in your hearts. You don’t hate – only the unloved hate. Only the unloved and the unnatural. Soldiers – don’t fight for slavery, fight for liberty.

In the seventeenth chapter of Saint Luke it is written ” the kingdom of God is within man ” – not one man, nor a group of men – but in all men – in you, the people.

You the people have the power, the power to create machines, the power to create happiness. You the people have the power to make life free and beautiful, to make this life a wonderful adventure. Then in the name of democracy let’s use that power – let us all unite. Let us fight for a new world, a decent world that will give men a chance to work, that will give you the future and old age and security. By the promise of these things, brutes have risen to power, but they lie. They do not fulfil their promise, they never will. Dictators free themselves but they enslave the people. Now let us fight to fulfil that promise. Let us fight to free the world, to do away with national barriers, do away with greed, with hate and intolerance. Let us fight for a world of reason, a world where science and progress will lead to all men’s happiness.

Soldiers – in the name of democracy, let us all unite!

Look up! Look up! The clouds are lifting – the sun is breaking through. We are coming out of the darkness into the light. We are coming into a new world. A kind new world where men will rise above their hate their greed and brutality.

The soul of man has been given wings – and at last he is beginning to fly. He is flying into the rainbow – into the light of hope – into the future, that glorious future that belongs to you, to me and to all of us. Look up. Look up.
_______________________________________________

من وطن الإستيراد .. كلنا للوطن

2011-04-17T18:45:00.005+03:00

ملاحظة: يعتبر القسم الأول من المقال درس في الجغرافيا والإقتصاد اللبناني. نعتذر لإتخاذ هذا المنحى الأكاديمي المضجر، لكنه ضروري لوضع القارئ في الإطار. فإقتضى التوضيح، وشكراً.

_________________________________________________

"لبنان بلد يختصر فى ذاته افضل ما في الشرق والغرب. بهذه العبارة يمكن التعريف بلبنان منذ قديم الزمن , فلبنان لتي ظلت حتى سنة 1918 مقاطعة من مقاطعات الإمبراطورية العثمانية تميزت منذ القرن السادس عشر بانفتاح ملفت على أوروبا. انفتاح سياسي وثقافي في آن.

ويُعَدّ لبنان صورة صادقة، وتطبيقاً حياً لأثر العنصر الجغرافي في التكيف السياسي، وتشكيل السياسات الاقتصادية، على الصعيدين، الداخلي والخارجي، في ظل الموارد الطبيعية المتاحة والإمكانات البشرية المتيسرة..

... يفتقر لبنان، إلى الموارِد الأوَّليّة والمعدنيّة، والصناعات الرئيسيّة، ولذلك، فإن الاقتصاد اللّبنانيّ مُنخفِض المستوى، بشّكلٍ عام، فيما عدا، مَجالات: المال، والمصارِف، والسّياحة. وتقوم شُهرة لبنان، على الدَّور الماليّ، الناتِج عن تدفُّق أموال البلاد العربيّة، وعلى التجارة الضَّخمة، التي تمُرّ بها، كما يوفِّر النفط، الذي كان يمرّ بالبلاد، قادِماً من العراق والمملكة العربيّة السعوديّة، نحو 30% من دَخل الجمهورية اللبنانية. "

(المصدر : البيانات والملفات الكاملة عن الاقتصاد اللبناني )

.............................

نحنا يا إخوان

عاشيين ببلد

مشهور بجمال طبيعتو وإعتدال مناخو

لكن لا زراعة عنّا

ولا صناعة

ولا طبعا مواد أولية (مع إنو عم يحكو عن وجود الغاز ..بس بعد ما شفنا منّو شي )

....

فَ بلدنا يا بابا بيعتمد على التجارة والسياحة على كافة أنواعها.

واقتصادنا كلّو مبني على الإستيراد والتصدير والتجارة والسياحة والقطاع المصرفي.

الإستيراد: نحنا منستورد إشيا كتيرة حتى لو مش عايزينا. وحاليا دخلنا كتاب غينيس كرمال قضية الإستيراد.

(رح نرجع نحكي بالتفصيل عن قضية الإستيراد فيما بعد)

التصدير: (إيه نعم عنّا تصدير) تصدير الشباب اللبناني المثقف. لأنو نحنا منخلّف قوّة بشرية، منعلّمها ومنربيّها

ولّمن تصير عندا الإمكانية الكافية للإنتاج والتحسين، بتكون صارت الفيزا عا كندا أو أستراليا جاهزة.

التجارة: التجارة ب لبنان بتشمل كذا قطاع، أبرزها: تجارة المواقف، التجارة بالأرواح، (وهما يتبعان البورصة السياسية في المنطقة) كما هناك تجارة السلع الإستهلاكية.

السياحة: هي السبب الرئيسي وراء وجود ظاهرة "الهدنة الصيفية" في الحرب السياسية المستمرة، نقوم خلالها باستقبال السياح الأجانب والمغتربين اللبنانيين، ويشهد الإقتصاد ازدهار ملحوظ خلال هذه الفترة.

القطاع المصرفي: الذي يمتاز بالسريّة المصرفية، مما يؤمّن غطاء للسرقات المتواصلة التي يقوم بها السياسيين وأمثالهم من المحتكرين ,وأصحاب المصالح...إلخ

................................

وهلق منحكي عن الإستيراد بالتفصيل:

كما سبق وذكرنا

بما إنو الصناعة مصابة بحالة شلل كامل

صرنا مضطرّين نستورد كل شي - إيه حرفيّا "كل شي"

يعني نحنا نازلين إستيراد بكل شي ممكن إنو يستورد لأنو ما ضل في عنّا شي وطني.

نحنا منستورد سلع إستهلاكية ، منستورد سياسيين، لك وحتّى منستورد نفايات مشعّة!

".القيمة الإجمالية للواردات: 6.2 بلايين دولار، تسليم "فوب"، طبقاً لتقديرات 2000.

ب.أهم الوارِدات: المواد الغذائية، والآلات ومعدات النقل، والسلع الاستهلاكية، والكيماويات، والمنسوجات، والمعادن، والوقود، والسلع الزراعية.

ج.أهم الدول المصدِّرة: إيطاليا 13%، وفرنسا، 11%، والمانيا 8%، والولايات المتحدة الأمريكية 7%، وسويسرا 6%؛ إضافة إلى اليابان، والمملكة المتحدة، وسورية، طبقاً لتقديرات 1999."

وفقاً للمصدر ذاتو

وعن جديد دخلنا كتاب غينيس: (وهيدي صارت عادة عنّا)

نحنا البلد الوحيد بالعالم يلي لحن "النشيد الوطني" فيه مش وطني!

إيه هيدا إكتشاف جديد منضيفو ل أرشيفنا الوطني
(للمزيد من المعلومات شوفوا هيدا التقرير)

وليه حتّى النشيد الوطني

هيدا كمان طلعنا مستوردينو .. (هيدي الصدمة الأولى)

والأضرب من هيك

مش بس مستوردينو

طلعنا "شافطينو" (أي سارقينو) من أغنية مغربية!

شوفو لحد وين السرقة "متجذّرة" بسما هل وطن

وبعدني لهلق مش مستوعب

كيف زبطت معنا هيدي: نشيد وطني ..بس مش وطني!

بركي كمان بكرا منكتشف إنّو الأرزة مش لبنانية

وإنو صخرة الروشة أصلا من زمبابواي

وإنّو مغارة جعيتا سارقينا من إيطاليا!

منطقياً هيدا مش ممكن ... بس بهيدا البلد ... كل شي معقول!

تصبحون على وطن

وكلنا للوطن...

مجنون يحكي ..و"شخص طبيعي" يفهم

2011-03-28T23:54:00.001+03:00

يا جماعة...ما عم إستوعب

إذا حدا بيسساعدني منكن بكون ممنون

"إن الشخص الطبيعي حر في التعبير عن نفسه حتى ولو تصرف بجنون ليعبر عن أنه مجنون. إن الشخص الاعتباري هو أيضاً حر في التعبير عن شخصيته الاعتبارية ، ولكن في كلتا الحالتين لا يمثل الأول إلا نفسه ، ولا يمثل الثاني إلا مجموعة الأشخاص الطبيعيين المكونين لشخصيته الاعتبارية. المجتمع يتكون من العديد من الأشخاص الطبيعيين ،والعديد من الاعتباريين. إذن ، تعبير شخص طبيعي عن أنه مجنون مثلاً لا يعني أن بقية أفراد المجتمع مجانين كذلك. أي أن تعبير شخص طبيعي لا يعني إلا التعبير عن نفسه ، وتعبير شخص اعتباري لا يعني إلا التعبير عن مصلحة أو رأي مجموعة المكونين لتلك الشخصية الاعتبارية."

العقيد معمّر القذافي - الكتاب الأخضر/الفصل الأول/الصحافة

بخصوص ساعة الأرض

2011-03-26T22:30:00.000+02:00

من شوي

حطّوا عالأخبار تقرير

إنو كل الدول المتطورة بالعالم

متل أوروبا وأميركا وأخواتها

طالعين ب همروجة

مشروع مسمايينو "ساعة الأرض" قال

قرّروا الجماعة يحتفلو ب "ساعة الأرض" هيدي

وراحوا طفّوا كل شي في عندن لمبات كهربا بالشوارع والبيوت وغيرا

لمدة ساعة كاملة

أيّ ستّين دقيقة بالتمام

قال كرمال يحافظوا على البيئة والأرض قال!

ومش بس هيك،

كمان نازلين تربيح جميلة بهل ناس

إنو يابا نحنا طفينا كرمال نحافظ على الأرض ونحمي البيئة وما بعرف شو

وانتبهوا هيدي بس ساعة بالسنة كلّا

يعني ساعة واحدة من أصل الـ 8760 ساعة

ساعة وعاملينلا كل هل أهميّة!!

تعو شوفوا شو عم يصير عنّا ب لبنان

وليه نحنا يلي اخترعنا ساعة الأرض

كل يوم،

من أصل 24 ساعة

ما بتزورنا الكهربا غير شي ست سبع ساعات بالكتير

وصرنا نحنا مطفايين كل اللمبات 17 ساعة

يعني منعمل 17 ساعة أرض باليوم الواحد مش بالسنة

ومع هيدا كلّو

لا عم نربّح حدا جميلة

ولا حاملين هل خبرية ودايريين فيها

فَ بتمنّى من هيدي الدول الـ"صناعية"

تخفف فزلكة

وتتعلّم التواضع من اللبنانين

وشكرا جداً جزيلاً

هـــــــــــبـــــــــــل؟؟ إيه.....هَـــــبَــــل ونُــص

2011-03-12T01:07:00.006+02:00

هبل؟

إيه؟...لأ؟....مبلا؟

هَـــــبَــــل....ونُص

إيه

مبروك يا لبنانيين

من كافة الطوايف أجمعين

دخلتوا كتاب غينيس مرّة جديدة

وعن جدارة

بس هيدي المرّة

الشغلة ما خصّا لا بالحمص ولا بالتبولة.. ولاحتّى بالمطبخ من أساسو

طلع في مواهب وإبداعات بالسياسة كمان

(لكن لسبب مجهول، ما بتتفجّر غير بِ شهر آذار)

..............

ونحنا تعودنا

كل آذار من كل سنة

يدهشونا مافيات 8 و 14

ب حملات إعلامية

أقل ما يمكن وصفا

بالهبل، أو الإستهبال و"على عينك يا تاجر" ا

...

وهالسنة - أي بالـ2011،
"بلغ السيل الزبى"

أدهشونا الشباب

ب حملة الـ لأ والـ مبلا

كَ حلقة جديدة من مسلسل الـ"نكاية" السياسية

المتأصّل في الفولكلور والتقاليد الوطنية

وأكتر من هيك

راحوا إخترعوا شي جديد

إبتكار فريد من نوعو ...وبس ب لبنان

دخّلوا السياسة على برامج الرسوم المتحركة

(شوفوا لوين وصّل الإبداع)

وفوّتوا شخصيّة

LION KING

الشهيرة
ب معترك السياسة المحلية

وعل وصلة، صابوا نوع من الإنفصام بالشخصية لل كينج

وصار في منّو تنين

lion king

مع 8 آذار

lion king و

مع 14 آذار

___________________________________________________________

The Lion King - The Lebanese Story (هيدا تبع 14 - أي جماعة الـ لأ) :

The Lion King - The REAL Lebanese Story (هيدا تبع 8 - أي جماعة الـ مبلا)

________________________________________________________

فَ صار الولد اللبناني

بيتغذّى سياسة وطائفية وتوابعها

من عمر 3 سنوات

وبيصير عندو نوع من الـ"تيسنة" المكتسبة

من الطفولة

وبتضلّا تنما وتزيد

على طول العمر المديد

.........

وهيك منكون غطّينا بإبداعاتنا على العالم كلّو

وحققنا أعظم الإنجازات يلي وصلنالا أو ممكن نوصلّا بحياتنا

فَ يا لبنانيي

بِشَرَفكُن

إنزلوا على الطرقات

زمّروا

احتفلوا

ابتهجوا

واجدِبوها

وعشتم وعاش لبنان

وعاش الإستهبال السياسي دائماً أبدا

BRIDGESTONE Advertisement : Lebanese Version

2011-01-27T19:38:00.003+02:00

رسالة الى اللبنانيين

2011-01-26T00:49:00.002+02:00

الى اللبنانيين الكرام:

تحية وبعد،

الكل بيعرفوني منيح

إيه الكل بدون إستثناء - المعارضة والموالاة بيعرفوني

وفي بيناتنا عِشرِة عُمر

بدّي إفهم هالشغلة يا جماعة: ليش بتدخلوني بالسياسة ببلدكن؟!

دايماً

كل ما "دق الكوز بالجرّة" بتطلع بِ راسي

ولك يا إخوان

وحياتكن أنا ما خصّني بالسياسة

أصلا أنا ما بفهم لا فيها ولا بِ غيرا

أنا كل شغلتي إنّي إبرم

إنو هيدي الشغلة ما خصّا بالسياسة

مع إنو تنيناتنا فينا "لفّ ودوران"

بس أنا بريء

أنا عم دور حول نفسي- مش عليكن إنتو

وعم دور كرمالكن يعني

كرمال إنتوا توصلوا محل ما رايحيين

فَ أرجوكم

وبّوّس إيدكن

حاج تحرقوني كرمال الله

وشكراً،

الإمضاء: دولاب

Special offfers عروضات خاصة

2011-01-22T03:02:00.000+02:00

بمناسبة الوضع السياسي الراهن وسؤ تبعاته الأمنية والإقتصادية

نعلن عن وصول تشكيلة واسعة من المعدات والحاجيات لتلبية الحاجات القديمة والمستجدة لكلّ السياسيين الكرام.

___________________________________________________

تشكيلة "ما تهزّو واقف ع شوار"

وتتضمّن:

1. شارجير 12Volt :

-يعمل على الكهرباء أو البطارية،

-يقوم بالشحن الطائفي على مدار الساعة 24/7

- يخفف من الأعباء على كاهل الزعيم السيلسي الوطني.

- ( إمكانية تعديل الcharger ليقوم بالشحن المذهبي،بحسب الحاجة)

2. مجموعة الغراء اللاصق الـsuper glue :

- يقوم ب تثبيت الزعيم في منصبه المعهود لبقية العمر المديد

- إستحالة إزالته بكلّ الوسائل السلمية.

- متوفر بنسختين متطابقتين : إنتاج سعودي أو سوري (-حسب الرغبة)

3. صكوك ملكية باب أول:

- مكمّل غذائي لعمل ال super glue

-تتيح لأي نائب أو وزير بتسجيل المنصب الذي يشغله بإسمه

-قابل للتوريث ضمن العائلة

- خدمة ديليفري مع كاتب عدل الى كافة المناطق اللبنانية

4. أنبوب معطر spray:

- يقوم بإخفاء رائحة التعفّن السياسي

- يقتل الصراصير والحشرات و فعال ضدّ كل أشكال المعارضة السياسية

5. مشروب الطاقة Red Bull :

- ينشّط المسؤول ويساعده على مقاومة النعس،

مما يسهل عملية السهر على الأمن و راحة المواطن

- يتضمن العرض إشتراك مجّاني بأقرب مقهى ليلي (night club)

لمدة سنة لمساعدة السياسي على الإستمتاع خلال سهره.

_____________________________________________________

ملاحظة هامة: البيع بالجملة ضمن نظام ال"package"

الأسعار مدروسة والكمية محدودة

تنبيه: هذه المواد هي مكمل سياسي ولا تحل مكان الرشوة والعمالة

الرجاء إستشارة السفير المختص قبل إستعمال أي من هذه المنتجات

___________________________________________________

وزارة الصحة تحذر : التزوير يؤدي الى أمراض خطيرة ومميتة

مش - "كلنا فريق واحد" ! لأ

2011-01-12T23:25:00.001+02:00

هيك بلّشت الخبرية على أساس... ب 13 نيسان 2010

: إجا تعليمات من الخارج للوزرا اللبنانيين

"إنت وإنت وإنت، حبّوا بعضكن"

وهيك صار

إجوا الحكّام من ال سين - سين ، وجمعوا الشباب مع بعض

وخلّوهن يبوسوا الشوارب كمان

واجتمعوا الوزرا، وأخدوا بعضن بالأحضان

وحبّوا بعضن، وصاروا كلّن فريق واحد

وكان الشيخ سعد كتير مبسوط

____________________________________________________________________________

ولكن ، "تجري الرياح كما لا تشتهي السفن" .. رجعت الدول الأجنبية تتدخل بالمحكمة الدولية

وإقتنع الشيخ سعد

وصارت المحكمة هي الهدف

جرّب أوّل مرّة

وما نجح بتسجيل الهدف

وجّرب تاني مّرة

صدّوا جماعة 8 آذار

زعل الشيخ سعد، وتعبوا الحلفا يلّي معوا

أخدوا إستراحة

half time

وكانت هدنة بالصيف، كرمال الموسم السياحي

وبعد فترة ، رجعوا من جديد

محاولة تسديد

وتكتيك، ولعب جماعي

وكل مرّة كانوا جماعة 8 آذار ناطرينن

وواقفين ب وجّن

وعم يعرقلوا خبرية المحكمة

تعب الشيخ سعد من جديد

خصوصا بعد ما بلّشوا جماعة 14 يفرطوا وينسحبوا

________________________________________________

وفجأة

بتتخربط مساعي ال سين -سين

وبيفرط الفريق الواحد

وبيصير كذا فريق

وكل واحد فاتح عا حسابو

رئيس الحكومة سافر

وجماعة 8 انسحبوا من الفريق

وبطّلوا عم يلعبوا كلّن مع بعض متل ما كانوا مبّلشين

...

وفرطت الحكومة ب 12 كانون تاني 2011

! والآتي أعظم

وكل حكومة وأنتم بألف خير
:)

مع تحيات هادي العريضي

Social Media Logos

2011-01-10T23:31:00.002+02:00

!متل العادة يا سعادة

2011-01-02T02:23:00.000+02:00

متل العادة،

كل مرّة بيدهشني الشعب اللبناني بأفكارو الجهنّمية...

لدرجة إنّي بطّلت قادر إستوعب كيف مخّو بيشتغل

.....

بعلمي خلصت سنة 2010

و كل العالم عم تلعنها لأنها كانت سنة صراعات وحروب ومشاكل

وكلّن متمنّيين تكون سنة 2011 أحسن منها

وطالعين عم يندبوا وينعوا:

"ما بدنا حروب

وما بدنا تهجير

وما بدنا عنف

ولا بدنا فساد

ولا بدنا شي من يلّي كنّا عم نعاني منّو.."

واللبناني ما في أشطر منّو ب صف الحكي الفاضي

والشِّعر

والّلف والدوران

...........

ولك طيّب
أنا فرحت، وأيّدتن
إنّو منيح يا جماعة

الله يسمع منكن

تعوا لَ نشوف كيف بدنا نفتح صفحة جديدة

وننسا الماضي

ونعمل هيدي الإشيا يلي بيعملوها الناس لمن يبلشوا عن جديد
كرمال يغيروا الماضي

.........

وفجاة

هيك من دون ولا إنذار..

أوّل ما تكِّت الساعة اتنعش 12 نص الليل

وبعدا الـ2011 عم تصرخ الـ "وععع"

بتبلّش السنة ب "وابل من الرصاص"

يعني بتحسّوا إنها جبهة وانفتحت

طلعوا الشباب عم يبتهجوا

ناس عم تبتهج لأنّو خلصت من الـ 2010

وناس لأنو ضلّوا عايشين للـ2011

وطبعاً ومتل العادة

ما فيهن يعبّروا عن مشاعرن الإخوان ..

إلَا من بوز الكلاشنكوف

لأن هيدي المفرقعات والألعاب النارية ما بتعبّيلن راسن!

فَ أدهشونا الجماعة ب عرض عسكري بربري... وأكيد همجي

....

وبطبيعة الحال

مفروض كل هل رصاصات يلّي طلعت،

لازم إتكون رجعت نزلت

فَ بتمنى ما تكون نزلت عا مخ حدا

يقوم يبلّش سنتو بالمستشفى ..إذا مش بالمقبرة كمان

.......

طيّب هيدي إجت الـ2011 يلي كنتوا عم تصلّوا إنها تكون سنة سلام ووئام

بس وليه إذا هيك مبلّشينا برصاص بسلاح فردي ومتوسط

وين السلام؟

شو مخَلّايين لَ بعدين؟

شو رح تعملوا لمّن يطلع القرار الظنّي مثلاً؟

بتطلعوا بالمدفعية وال RPJ؟؟

....

وليه.. يلعن هل مخّ الحاملينو

لشو حاملينو؟؟!

العالم وصلوا على المرّيخ

والكهربا عنّا بعدا شي رايحة وشي جاية ... بس إجمالاً رايحة

ومع هيدا كلّو

بعدن اللبنانيّة عندن هالعادة:

إذا فرحوا رصاص إبتهاج

وإذا حزنوا رصاص الحزن

هيك.. طول عمرو ذنب الكب أعوج

ومتل العادة يا سعادة!

بابا نوال سلّملي عالإستقلال

2010-11-22T04:04:00.000+02:00

لمّن كنا ولاد زغار

كناّ نصدّق إنو في شي إسمو بابا نويل

santa claus أيّ

ومننطروا من سنة ل سنة

تا بجي عَ عيد الميلاد

.ونعملّو فرحة

وكنّا لازم نكون شاطرين ونسمع الكلمة كرمال ما يزعل منّا حضرة جنابو

!ويبطّل يزورنا عالعيد

وكبرنا، وفجأة إكتشفنا إنو قصة بابا نويل مش مظبوطة

وإنو أصلاً بابا نويل مش موجود

وصرنا نحنا نعمل حالنا بابا نويلات ونروح لعند الأولاد

هنّي فرحانين فينا … ونحا مبسوطبن فيهن

___ ___ ___

،المهم

بلبنان في شي متل بابا نويل

مش موجود

بس الناس كلّا مصدقة إنو موجود

ومبسوطين في

..هيدا هو الإستقلال

بيجي مرّة بالسنة

عا عيد الإسقلال

وكل الناس بتعطّل أشغالا

كرمال تتفرّج عليه

…لَ تعرف كيف بيكون

بيطلعوا الزعما، وبيعملوا خطابات

وبيخلّوا العالم يحسّوا إنّو عنجد الإستقلال موجود

والناس- كرمال يحافظوا على الإستقلال- لازم يسمعوا كلمة الزعما

“وصاروا متل ال “غاشي وماشي

عم يهيصوا للزعما

ولل إستقلال

ومصّدقين ومبسوطين بحالن إنّو عندن إستقلال

ناسيين إنو يلّي عنجد حاكم هل بلد

مش من هل بلد – يعني بعكس فكرة الإستقلال

هنّي ال سين-سين ، وأميركا وإيران وإسرائيل ، وحوالي عشرين دولة زيادة، عم يتسلّوا فيهن.. وبالبلد .. وبالإستقلال

….

يعني، ما بعرف أيّا نهار

رح تكبر عقول هالناس

ويصيروا يعرفوا إنو ببلدنا

ما في شي إسمو إستقلال

وإنّو حتى لو ما سمعوا كلمة الزعما، عمّو “ الإسقلال” ما بيزعل منّن – لأنو أصلا مش موجود لَ يزعل

وبركي، وقتا هنّي -الناس- بيعملوا الإسقلال عنجدّ

!وبيخلصونا من هل كذبة

________________________

…وعشتم وعاش لبنان-موطناً عربياً مستغَلا

Deliveryإجا الحلّ بالـ

2010-11-10T04:01:00.000+02:00

من كم يوم

أنا وعم شوف الجريدة متل عادتي كل يوم

بتفاجأ بخبر مش عادي

خبرية عن خدمة جديدة: من الدولة للشعب

(تحديداّ لَ هيدا الشعب المضروب عا راسو)

....

: هيدا المقال بيحكي عن خطة عملتا وزارة الداخلية لتقليص حوادث السير، ومن جملتو

"..رادارات متطورة سوف تضبط مخالفات السرعة، من دون تدخل مباشر، ثم يُرسل الضبط إلى عنوان إقامة المُخالف..."

هيدي الخبرية عجبتني وفاجأتني

هلأ بطبيعة الحال، كل الناس شايفينا خبرية عادية وطبيعية

إنو عال يا جماعة، بلّشنا نطوّر بـ هل بلد

وصرنا نحط مكنات بدل حواجز السرعة المتنقلة (خصوصاً هيدي الحواجز البتكون بنصّ دين الكوع وعلى الأوتستراد -أيّ يليّ بتروّح ضحايا) منيح

إيه هيدي الشغلة كتير منيحة - وبديعة كمان

:بس الشي يلي لفتني إنو

ويرسل الضبط الى عنوان إقامة المخالف"

... هون ما عدت ذاكر شو حسّيت تحديدا"

(بتخيّل إنو كان شي متل "كوكتيل أحاسيس": فرح وغضب وتفجّع وإبتهاج - يعني من جميعو)

فكرت..قلت خيّ.. رح نضرب حجرين بعصفور واحد

( بعرف إنو المثل بالعكس)

أولا: منكون خفّفنا من مشاكل السرعة وحوادث السير

!بس تانيا (وهون الشي الأهم): بتكون الدولة عملت الحلّ الجذري للبطالة بلبنان

ساعتا سحبت كل جملة قلتها بالماضي عن الدولة كيف آخر هما الشعب)

(لأنو هيدا الشي أثبت العكس

هلأ بطبيعة الحال عم تتسائلوا: العما كيف طلعت معو هيدي قصة البطالة؟

..بسيطة، خليكن معي شوي بعرفوا ليش

المفروض إنو هيدا الضبط -إذا متل ما ناويين الشبيبة يعملوا فيه- بيوصل عالبيت

يعني: متل ما البيتزا بتجي دليفري، بيصير الضبط كمان يشرّفنا دليفري

وهون بيت القصيد

("حلوة هيدي "بيت القصيد)

بما إنّو عم يوصل صاحبنا(أي الضبط) دليفري، يعني بطبيعة الحال في حدا عم بِ وصلّنا ياه

(إيه إنّو تخيلوا ضبط عم يكسدر وحدو)

ولذلك، بتكون الدولة خلقة فرصة عمل لَ مواطن لبناني

كان عاطل عن العمل، وفجأة صار بيشتغل بالدولة برتبة "ديليفري ضبوطة" .. ه

،إيه

وإستنادا للبند 23452 من الدستور، يلي بيقول : ذنب الكلب أعوج، وما بيجلس قد ما تحاول تجلّس فيه

فَ بطبيعة الحال

ما رح يبطّل اللبناني السرعة

يمكن لأنو هيدي الإشيا موجودة بالـ)

DNA

(تبعنا - نحنا كَ فينيقيين يعني

لذلك، بتصير الدولة بطلب مستمر لموظفين "ديليفري ضبوطة" ه

،وبيضلّوا يزيدوا هل موظفين

وبيصير يطلعلن نواب بالبرلمان متلن متل باقي الطوايف بهل بلد

!وساعتا هنّي كمان (أي النواب الجداد) بيبلشوا يفتشوا عا حلّ لمشكلة السير والسرعة